A Casa di a Memoria
Hè stata aparta, ind'u vechju Fragnu di l'Acqua Insù (accant'à a merria), in Sari d'Urcinu (di Cinarca), una Casa di a Memoria, picculu museu etnugrafficu nant'à dui piani.
Stu bloggu hè natu da fà vi sparta a so vita è a so attualità, in lingua corsa è francesi.
Eccu qualchì ritratti di u piantarrenu, didicatu à a vita di i saresi à u XIXu seculu :
U spaziu cunsacratu à a ghjesgia cù ratachji, ratachjoni, antifunarii di u principiu di u XVIIIu,...
U spaziu di u cacciadori è quiddu di u pastori.
U spaziu di u cacciadori...
... è quiddu di u pastori.
A cuccina antica è a so ziglia.
Spurtini, sporti è spurteddi...
U padri Doazan m'hà fattu l'anori è u piacè d'essa u prima à visità a casa di a memoria. Par quiddi ch'ùn lu cunnoscini, hè a l'urighjini di a cullizzioni etnugraffica di u Museu di a
corsica.
Quand'eddu hè sbarcatu ind'è noi in l'annati 50, s'hè subbitu intarissatu à a vita di i Corsi è u prima ughjettu di a so cullizzioni fù a cochja di arci missiavu, una cochja d'alivu pà u
caghjatu.
Ci voli à pricisà chì A casa di a Memoria hà fattu u sforzu d'essa bislingua. Ci truvareti tutti i nomi di l'ughjetti in Corsu è in Francesi, com'è i scritti chì contani a storia scunnisciuta di
a Cinarca.
Pippi saresi trovi à a Pighjola è, à dritta, figurina di tarra cotta.
Marazzi stazzunati è pinattini par l'arbetti...
Ciarretta par l'acqua cù a so nappa di legnu albitrinu è tribbiu.
Una muneta di quattru soldi di u 1765.
À u prima pianu, u spaziu didicatu à u casteddu di Capraghja, u più impurtentu casteddu di a Corsica dettu dinò Casteddu Cinarchese. Fattu ind'u 825, fù spiantatu da i Ghjinuvesi ghjustu nanzu a custruzzioni di a cità
d'Aghjacciu.
Quì, viditi pezzi di tarragli d'ità sfarenti : da u 12u à u 16u. Davanti, un chjodu di porta di 600 anni !
Vista di a vitrina sanna. Da l'insù à l'inghjò :
- Tarragli
- Manichi di testi, ciarretti è anfuri di u Medievu - Fondi di conchi o brocchi è teculi
- Paddoni di spingarda è bumbarda. Quiddu di manca facia 45 cintimetri di diametru !
Quì, una fibbia (fibula) rumana. Ghjuvava à tena insemi i dui parti di una cappa.
Petri da macinà u granu (petra pistagranu è macinedda ?). Preistoria.
Petra salaghja o petra pistasali.
Listessa affari ma di a preistoria.
Spaziu preistoricu.
A cunfirmazioni di l'impurtenza di u situ di Capraghja !
Pezzi di tarragli spicifichi di l'ità di u bronzu.
L'Antichità in paesi. I rumani ci si sò staddati.
Una petra di a ghjesgia cinarchesa di San Ghjuvanni : trà u 1000 è u 1150...
